காதலாகி …

புதிதாய் தொலைத்ததை தேடும் போது

என்றோ தொலைத்தது கிடைப்பது போல்

எனக்கு கிடைத்திருக்கிறாய் நீ…

நீ என்னை பார்த்து போன

நாட்கள் எல்லாம்

நடுப்பக்கத்தில் வைத்த மயிலறகாய் இருக்கிறது …

நாம் நடந்து செல்லும் போது

உனக்கு தெரியாமல்

மெதுவாய் திரும்பி பார்க்கிறேன்

நம் கால் தடங்களை ..

அருகருகே அழகாய் நிரம்பி இருக்கிறது காதல் …

நீ தான் என்று தெரிந்த பின்

நகரும் நாட்கள் எல்லாம்

ஒரு மதிய  வெயிலில் தூறும் மழை போல் இருக்கிறது …

பழக்கம் இல்லை என்றாலும்

பழகியதால்  பிடித்து  விட்டது

சிறகில்லாமல் பறப்பதும்

நினைத்தவுடன் என்னருகில்

வந்து நீ சிரிப்பதும் …